Grabatu eta emititu ditugun udal batzarren erreprodukzio datuak herritarrek interesa dutela baieztatzen dute

Udal gobernu organo ezberdinen bilerak –streaming eta noiznahi aukeran- (VOD) emititzeari ekin genion 2015eko maiatzaren 6an webgune honetan. Urtea gainditu eta hamabost hilabeteren bueltan balantze egiteko unea deritzogu. Denbora horretan aldizka –astero- eta jarraian Udalbatzak egin izan dituen Osoko Bilkurak nahiz informazio batzordeak –orokorrak edo ogasunezkoak- zuzenean jarraitu edo egin ondoren noiznahi ikusteko aukera izan dugu herritarrok.

Azpian eskaintzen ditugun datuen azterketak agerian jarri du aukeraz baliaturik herritarrok gehien jarraitzen eta ikusten ditugun batzarrak Informatiboak direla. Lan Batzordeetan landutako gaiek interesik handiena piztu izango zutenaren gure susmoa berretsi egin da, bilera horietan gai bakoitzari jasotzen den informazio, azalpen eta txosten teknikoak ugari eta zabalak baitira, alderdi bakoitzak gaia ezagutu eta bere erabakia har eta bozkatzerik izan dezan. Gaiaren inguruko irizpena izan eta gero, hori osoko Bilkurara jasotzen da onartzeko eta horrek ikusle gutxiago izaten ohi du, gaia izapidetzen den aurrekoekin alderatuta.

Ermuan Osokoaren Bilkura areto fisiko nahiz birtuala zabaltzeko apustua egin genuen are eta gardenago izateko eta toki-erakundea herritarrei gehiago hurbiltzeko asmoz. Horrela eskatu baitziguten herritarrek 2013ko udal Aurrekontuak lantzeko egin genituen parte hartze prozesuan: osokoaren bilkurak Internet bidez jarraitzeko aukera sakontzeko eskatuta.

Teknikaren atalean esan behar proiektua diseinatu genuen teknikariak zuzeneko nahiz eskaripeko seinalea emititzeko bide bikoitza erabiltzea erabaki genuela. Batetik, ordaintzeko tresna profesionala erabiltzen digu ‘Shooowit’ izenekoa eta, bestetik, erakundean ‘Youtube’ ikus-entzunezko sare sozialaren kanala. Horrela erabaki genuen bi arrazoirengatik; bat inoiz zuzenean emititzeko arazorik izatekotan bigarren aukera bat izateko eta bi pertsona kopuru handiagoarengan iritsi ahal izateko. Zerbitzuak elektrizitate hartune independentea du, argindarraren etena izanik ere bilera emititzen dugula ziurtatzeko. Interneterako sare independente eta banda zabalera propioa ere badugu, bileren zuzeneko emisiora dedikaturikoa. Aretoan dauden zinegotzi eta pertsonek Wi-Fi zerbitzua dute erabiltzeko lanean nahiz kontsultak egin ahal izateko Interneten bidez edo postaz.

Plataforma bietan gehien ikusi izan diren bilerak

Shooowit (aurretik Multistream izenekoa)

(*) Plataformak ez dauka informaziorik.

Youtube

Estatistikak aztertzen jarraituaz, datuak diotenez bilerak ikusten dituzten pertsonarik gehienak mahaiko ekipo eta ordenagailu batez egiten dute. Nolanahi ere, gailu mugikorrak gero eta gehiago erabiltzeko joera argia antzeman daiteke, batez ere esku telefonoak eta tabletak. Gure zuzeneko nahiz eskaripeko seinalea bideratzen duen erreproduktorea gailu eta plataforma anitzekoa da, horrela edozein pertsonak erabiltzen duen gailuan funtzionatuko duela ziurtatzen baitugu.

Egun bilera abisuak jasotzeko harpidetza egina duten pertsonak hamabi (12) dira. Zerbitzu horren bidez harpidedunek udal zinegotziek deialdi eta agiriak jasotzen duten une berberean jasotzen dituzte. Horrez gain, bilera hasi aurretik abisua jasotzen dute eta Interneten bideo akta ofiziala agerian jartzen dugunean ere bai. Harpidetza kopuruak gora egingo duela espero dugu ezagunago izatearekin batera, tresnaren ezaugarri delako erabilgarritasuna

Q-Epea erakundeak aurten aintzat hartu dituen bost administrazioen artean Ermukoa izan da, tresna abian jarri izanagatik

Urte betea luze gainditu ondoren erakundeak ontzat eta positibotzat jo du bilerak streaming bidez emititzeko ekimena. Hori abian jartzearekin batera ordurarte bilerak kudeatzeko genuen prozedura goitik behera aldatu genuen, prozedura birtual oso batera jauzia emanez. Modu berriak hainbat abantaila ekarri ditu, besteak beste, kudeaketan gehituen hainbat estutasun ezabatzea, paperaren erabilera gutxitzea, erosotasun maila areagotzea deialdi nahiz agiriak e-postaz bidali eta jasotzen dituztelako udalbatza kideak nahiz herritarrak, eta abar. Ekimen hau abian jarri izanagatik, aurten Q-Epeak eredu gisa hautatu aintzat hartu izan gaitu, kudeaketa eraginkorragoa egiten laguntzen duela kontsidetatuta.

Nolanahi ere, Udal honetan, ahal dugun heinean eta ezinbestean, lanean jarraitzen dugu hobetzeko xedez, hain harrera ona izan duen zerbitzu honek jasatzen dituen nobedadeak barneratzeko.