Sublavao-Beat artistak itxiko du gaur Ermuko PressPlay! jaialdiko programa

21.10.16
Immigrazioa eta nazioarteko lankidetza

Gaur ostirala Ermuko PressPlay! Giza eskubideen jaialdiari amaiera emango zaio. Arratsaldeko 19.00etatik aurrera, Orbe Kardinalaren plazan, Sublevao-Beat artistak kulturen arteko kontzertu bat eskainiko digu. Kumar Sublevao musikari afrokubatarra buru duen Sublevao Beat taldeak Afrikun proposamena aurkeztuko du Ermuan, hango eta hemengo soinuak uztartuz.

Artistak, afrolatin-jazz, reggea, funk eta afrokubatar musika tradizionaletik jasotako influentziak plazaratuko ditu gaurko kontzertuan. Doinu eta instrumentu ezberdin horiek tartekatuz, soinu pertsonalak eta bereziak sortzea lortu du Sublevaok.

Ekitaldiko lehenengo atalean, Kumar Sublevaok bere azken diskoa aurkeztuko digu, Afrikako musikaren barne bidaia egitera bultzatuko gaitu. Jarraian, afro-jam session berezi bat egingo da Ermuko musikariekin batera, “Los sonido de Ermua” deitutako. Amaitzeko, DJ set bat izango da, bost kontinenteetako erritmorik freskoenekin gozatzeko.

Lotutako albisteak

11.02.26
Elikagaien eta diru-dohaitzen bilketa Saharar herriarentzat

'Rio de Oro' elkartearen karabana solidarioak laguntza humanitarioa bidaliko die Tindufeko errefuxiatuei
22.01.26
Udan haur saharar bat etxean hartu nahi duzu?

Rio de Oro gobernuz kanpoko erakundeak gutxienez 5 familiaren bila dabil kanpaina honetarako
19.12.25
Integrazioa eta harrera bultzatzen duten zazpi elkarte saritu dituzte Migratzaileen Nazioarteko Egunean

Eusko Jaurlaritzak Ermuan egindako ekitaldi batean banatu ditu sariak. Amurriok elkukoa hartu du datorren urterako