Bertso jaialdi aparta ostiralean Ermua Antzokian

Ermua Antzokian, urtero ospatzen den bertso jaialdia izango da ostiral gauean. Ekitaldia, urtero bezala, San Martin Kulturalaren barne programatzen da. Jarduera hori ‘Euskal Birusa’ elkarte euskaltzaleak antolatu du. Ikuskizuna Antzokian egingo da gaueko hamarrak eta laurdenetan hasita. Sarrerak 10 euro balio dute eta jada salgai daude Lobianon, Kutxabank entitatearen orotariko kutxazainetan eta horren webgunean.

Aurtengo bertso jaialdian sei bertsolarik hartuko dute parte hiru emakumek eta hiru gizonek. Eszenatokira igoko diren bertsolariez gain, gai jartzailea ere egongo da. Bertsolari taldea: Andoni Egaña, Uxue Alberdi, Amets Arzallus, Alaia Martin, Unai Iturriaga eta Nerea Ibarzabal. Gai jartzaile moduan Josu Goikoetxea arituko da. Jaialdiako kartelak ikusmina piztu du bailarako zaleen artean eta bertso saio bizia eta freskoa espero da. Seikoteak Bertso Jaialdia eskainiko du gaueko 22:15etatik aurrera. Giro aparta gau hotzean, San Martin azako berotzen hasteko!

Azpian iazko jaialdiko argazkien bilduma uzten dizuegu. Lana Oscar Blanco Gutiérrez Kultur saileko eta webgune honetako kolaboratzailearena da.