Podium berria Aitor Hernandezentzat Beasainen

Pasadan asteko bi podiumen ostean, La Garrigan ospatutako lasterketan lehenengo postua lortuz eta hirugarrena Les Franqueses de Vallesen, Aitor Hernandezek (Specialized-Ermua Impulso) bigarren amaitu du Beasainen ospatutako Beasaingo II. Ziklo-kros Sari Nagusian, Ismael Esteban txirrindulariaren atzetik.

Lasterketa ona egin du Aitor Hernandezek, hasieratik lasterketa buruan ibili da, lehenengo postua lortuz lehenengo bi itzulietan. Azken lasterketa honetan antzeman diren hobekuntza fisikoen ostean, hurrengo lasterketa garrantzitsuetarako (Menlleuko Espainiako Kopa) maila bikaina lortzen dabil Aitor Hernandezek.

«Lasterketako hasieran Ismael erasotzen ibili naiz, bere aurretik joan naiz bi itzulitan, hala ere, zonalde teknikoetan oso ondo ibili da eta aurreratu nau, erritmoa ezin jarraituz. Uste dut, gaur igarri izan dutela hankak hobetzen doazela, eta orokorrean datorren astean ospatuko den Espainiako Kopako  lasterketarako test ona izan dela uste dut. Irabaztea nahi dugu beti, baina badakigu beti ez dela posible. Alde onarekin geratu behar gara, gero eta hobeto nabil eta astero emaitza hobeagoak lortzen ditut», dio Aitor Hernandezek lasterketa amaitzerakoan.