Ermuko Atletismo Taldea Lugon izan da motorrak berotzen

Ermuko atleta gazteak jada hasi dira kirol denboraldi berrirako prestaketa lanekin, datozen lehiaketetan duten onena eman eta gustura aritzeko. Pasatu den astean, Konstituzioko zubia aprobetxatuz, Lugon izan dira, Galizian, kontzentrazioa egin eta entrenatzeko.

Abenduaren 7tik 11ra bitartean, Ermuko kirolariek entrenamendu saio gogorrak izan dituzte, eta goiz eta arratsaldez egunean bost orduko jardunak izan dituzte. Dena dela, laguntasunaz eta lankidetzaz gozatzeko tartea ere izan dute, baita ''mannequin challenge'' dibertigarri bat grabatzeko ere. 15 atleta eta entrenatzailez osatutako taldetxoa izan da Lugon, eta kirol arloan ez ezik, arlo pertsonalean ere asko ikasi dute.

Jarraian duzuen bideoan, Galiziako egunek emandakoa eta gure kirolariak nola entrenatu diren ikusi dezakezue, Antonio Cid lankide eta entrenatzailearen eskutik.