Ormaiztegin 2. izan ondoren, Hernandezek igandean aukerak izango dituela uste du

Aitor Hernandez txirrindulariak garaipenetik hurbil izan zen larunbatean Ormaiztegin, Txirrundilaritzako Euskal federazioak antolatu zuen 2016ko azken ziklokros lasterketan. Ermuarra bigarren helmugaratu zen Javier Ruiz de Larrinagaren atzetik, bederatzi segundo geroago. Hori horrela, podiumeko bigarren lekuarekin ados izan behar. Denbora eta gainerako xehetasunak, sailkapen orokorrean dituzue.

Gurpiletan izan zen lasterketaren gakoa. Aitorrek ez zuen asmatu eta sikukoak jarrita ekin zion probari, hirugarren itzulian gelditu eta aldatu behar izan zituelarik, zirkuituaren baldintzei askoz hobe egokitzen baitzitzaien. Gurpilak baita ere izan ziren gako Ismael Estebanentzat, bi zulatu jarraian aukerarik gabe utzi baitzuten.

Lasterketa amaitu ondoren, Aitor Hernandez pozik agertu zen. Honako hitzak utzi zizkigun “sentsazio onak izan dituk, bereziki bukaera aldean indartsu aurkitu naizelako. Sikuko gurpilak hautatzea erabaki okerra izan da eta hasieratik Larrinagak atzean utzi nau, tartea irekita. Hirugarren itzulian gurpilak aldatu izan ditudan arren, ezin izan dut harrapatu. Gurpiletako zulatuak Estebanen aukerak mugatu dituzte baita ere. Gaur agerian utzitakoak igandean jokatuko dugun Espainiako Txapelketa gogorra izango dugu guztiok eta aukerak izango denok. Ni guztia ematera eta urrearen bila aterako naiz” gehitu zuen.