Artarrai irabazle Gabonetako Erakusleihoen Lehiaketako sari herrikoian

Ermuko Gabonetako Erakusleihoen Lehiaketaren zazpigarren edizioak adostasuna ekarri du epaimahaiaren eta herritarren artean. Duela egun batzuk iragarri genizuen moduan, Artarrai dendak eskuratu zuen epaimahaiaren lehen saria, eta herritarrek ere, euren botoen bitartez, establezimendu berberari eman diote euren saria.

Udal webguneko inkestaren bitartez erabaki dute herritarrek euren sariduna. 532 boto zenbatu dira, eta horietatik 98 lortuta, Artarrai kokatu da lehenengo postuan. Bigarren izan da Cocinas Virginia Pascual, 71 botorekin, eta hirugarren, aldiz, Izarbi, 59 boto eskuratuta. Honela gelditu da sailkapen osoa:

Herritarren botoei esker, Artarraik beste 150 euro irabazi ditu denda hobetzeko edo modernizatzeko analisia eta proiektua egin eta, azken finean, lehiakortasuna areagotzeko.

Gainera, inkestan parte hartu duten pertsona guztien artean, lehiatu diren dendek eskainitako produktuekin osatutako lote bat zozketatu da, iritziak eta parte-hartzea eskertze aldera. Ermuko Merkatarien eta Ostalarien Elkarteko kideen aurrean egin da zozketa, eta Espe Rodríguez Campos izan da sariduna. Irabazleak gaur goizean jaso du bere saria Abiapuntuko bulegoetan, Artarrai dendako arduradunekin batera, Jesús Portugal udal teknikariaren eskutik. Zorionak!