Jone Bengoaren lanak ikusgai Emakumeen Topalekuan

Jone Bengoa Urizar artista eibartarrak feminismoekin eta emakumeen borrokarekin lotutako ilustrazioen erakusketa prestatu du Ermuko Emakumeen Topalekuan.

Erakusketa otsail osoan zehar izango da ikusgai, eta bertan Bengoak azken urteetan egindako lanak ikusteko aukera izango da. Artistak azaldu duenez, autoezagutza, aldarrikapenak, borroka eta, orokorrean, gai feministak jorratzen dituzten ilustrazioak bildu ditu, modu oso grafiko eta argian ikusleari mezua heltzeko sortu direnak. Obra guztiak paper gainean akuarelekin eta tintarekin egindako ilustrazioak dira. Izan ere, Bengoak adierazi duen moduan, “borroka feminista alde positibo, ironiko eta grafikotik egiteak eragina du”.

Erakusketa otsailaren 28a arte ikusgai izango da Emakumeen Topalekuan, dohainik, instalazioen ohiko ordutegian: astelehenetik ostiralera 08:00etatik 15:00etara eta, ostiraletan izan ezik, 16:30etik 20:00etara.

Informazio gehiago behar izanez gero, ikus ezazu artistaren orrialdea.