Miss Caffeina taldearen synth pop doinuak Ermura iritsiko dira ostiralean

Detroit du izena Miss Caffeina taldearen azken lanak, eta laukote madrildarra Ermua Antzokian izango da ostiral honetan abesti berrienak aurkezten.

Zazpi urte daramatza jada Miss Caffeinak pop doinuak sortzen, eta 2010ean zehaztu zuten euren bidea Imposibilidad del fenómeno lehen lana argitaratuta. 2011. urtean Rolling Stone aldizkariaren Errebelazio Artista saria jaso zuten, eta gaur egun belaunaldi-ereserkiak sortzen espezialistak izaten jarraitzen dute. Madrildarrek synth pop-era daramatzan bideari jarraitzen diote, baina beraien funtsa eta ezaugarriak galdu gabe, etorkizun handiko banda izanik une honetan.

Miss Caffeina taldeko kideek pazientzia izan dute, eta ekin eta ekin ibili dira beraien talentu propioa finkatu arte, gero eta jarraitzaile gehiago lortzen ari direlarik. Beraien zuzenekoetan, eragingarriak eta gartsuak, gero eta entzule gehiago biltzen dira, eta beraien izenak badu bere tokia estatuko jaialdirik garrantzitsuenetako karteletan. Oraingoan, Ermua Antzokira datoz beraiekin gozatzeko aukera eskaintzera.

Kontzertua ostiral honetan izango da 22:15etik aurrera, eta sarrerak salgai daude jada 12 euroren truke Lobiano Kulturgunean, BBKren orotarako kutxazainetan, Kutxabanken webgunean edota, ikuskizuna hasi baino ordubete lehenagotik, Ermua Antzokiko lehiatilan.

Giroa alaitzen joateko, euren azken kantuetako bat uzten dizuegu, Ácido: