Betiondo ellkarteak areto barneko arku tiratze denboraldia itxi du, bost domina lortuta

Betiondo Arku Tiraketako Elkarte ermuarrak areto barneko eta arku tradizionaleko tiratze denboraldiari amaiera eman berri dio. Elkarteak denboraldia ontzat eman eta baloratu du, “emaitza onak lortu izan dituztela” kontsideratu ondoren. Horrela jaso eta adierazten du webgunera bidali digun idatzian. Kide eta arkulariek txapelketa ezberdinetan lortu dituzten emaitzei so eginez, balorazio zuzena da eginen dutena, guztira metale ezberdineko bost domina lortu baitituzte denboraldi honetan.

Lorturiko emaitzen laburpena ondorengoa da:

• Bizkaiko txapelketan
• Basilio Izquierdo kidea txapeldunorde izan da, eta Mikel Lopez hirugarrena. Hortaz zilarrezko eta brontzezko dominak jantzi dituztelarik.
• Euskal Ligan
• Mikel Lopez bigarren sailkatu eta txapeldunorde izan da, bere taldekide Basilio Izquierdok hirugarren postua lortu zuelarik eta, beraz, brontzezko domina.
• Euskadiko Txapelketan
• Txapelduna Mikel Lopez ermuarra, urrezkoa jantziz.

Garaipen eta postu horri esker, Mikel Lopez Euskadiko selekzioarekin joanen da Espainiako Txapelketa jokatzera, zeina martxoaren 4an gauzatuko den Ávila hiriburuan.