Story Time, ingelesezko ipuin kontaketa txikienentzat

Udal liburutegiak antolatzen duen Story Time ipuin kontaketaren hirugarren saioa izango da larunbat honetan, martxoak 4.

Teddy Bear: love you mommy, I love you daddy da ipuin saioaren izenburua, eta 3 eta 8 urte arteko haurrei zuzenduta dago. Kontaketa GlobalK Speak English & Have Fun taldearen eskutik izango da.

Jarduera hau liburutegiak asteburuetarako antolatzen dituen ekintzen egitarau bereziaren barne dago, eta helburu bikoitza dauka: batetik, ipuinen mundura ahozko tradizioaren bitartez hurbiltzea, eta bestetik, umeen ingelesezko gaitasun linguistikoak hobetzea.

Kontaldia Lobiano Kulturgunean izango da larunbat honetan 17:30etik aurrera. Sarrera doakoa da, baina plazak mugatuak izango dira saioan isiltasun eta kalitate baldintza egokiak bermatu ahal izateko. Arrazoi berdinagatik, puntualtasuna eskatzen da etenik ez sortzeko.