Partikularren material eta liburuak hartzeari utziko dio Liburutegiak

Udal liburutegiak aldi batez utziko dio pertsona partikularrek utzitako material eta liburuak hartzeari.

Urteetan Liburutegiak jaso izan ditu partikularrek oparitu eta emandako liburuak. Liburu horietako gehienak Langraiz Okako kartzelara bidaltzen zituen edo Gobernuz Kanpoko Elkarte ezberdinei ematen zizkien eta hauek premia zuten herri ezberdinetara eraman edo bestelako xede soziala zuen erabilera eman ziezaieten. Jasoetakoetatik hein txiki bat liburutegiko fondoetara eransten zen.

Hala ere, arrazoi ezberdinengatik, bai Langraiz Okako kartzelak eta liburutegiarekin elkarlanean aritu izan diren Gobernuz Kanpoko Elkarteek liburuak hartzeari utzi diote. Ondorioz, une honetan, Liburutegiko biltegian materialak gordetzeko leku urritasuna eta mugak daude. Hori dela-eta, Udal Liburutegiak denboraldi batez utzi egingo dio partikularren liburu dohainak jasotzeari.

Nolanahi ere, norbaitek oso liburu interesgarriak dituela uste badu, liburutegiarekin jar daiteke harremanetan material horri irtenbiderik onena bilatu ahal izateko.