Komikiaren irakurzaIetasuna sustatzeko kanpaina amaitu da

Udal liburutegiak amaitutzat eman du genero artistiko-literario honen irakurzaletasuna suspertzeko aurtengo kanpaina. Kanpainaren hirugarren urte honetan, Liburutegiko komiki aleak eta komikien irakurle kopurua handitzea lortu du.

Urteko lehen lauhileko honetan ekimen desberdinak burutu dira:

Nobedadeetan  egindako inbertsioa

2014ko abenduan, kanpaina hauek hasi aurretak, komikitekako funtsa Liburutegiko bildumaren %1,4ak osatzen zuen. Gaur egun 950 komiki daude, hau da, liburuen %2,6a. Adin-tarteka, 401 komiki daude helduentzako atalean, 135 gazteentzako komikiak dira eta 414 haurrentzakoak. Bilduma hau handitzeak Liburutegiko espazio fisikoan birkokatzea eskatu du, eta horrela sarreran funtsa hau konsultatu eta irakurri daitekeen txoko bat egin da.

Tailerrak

Komikien irakurketaren hastapenei buruzko 5 tailer eta beste 5 ilustrazio tailer burutu dira herriko D.B.H.ko eta Batxilergoko ikasketxeetan. zeinetan D.B.H.ko 4. mailako eta Batxilergoko 328 ikaslek hartu dute parte. Saioak Peru Magdalena idazleak, bertsolariak eta ilustratzaileak eta UPV/EHUko Arte Ederretako irakaslea eta marrazkilaria den Josean Morlesínek dinamizatu zituzten.

San Lorenzo Ikastetxean Lehen Hezkuntzako ikasleei zuzenduriko komikien ilustrazioaren hastapenei buruzko tailerra eman zuen Ainara Azpiazuk ilustratzaileak, zeinean 120 umek hartu zuten parte.

Zozketak

Hilean genero honen liburuak maileguan eraman dituztenen artean egileak dedikatutako komikiak zozketatu dira. Horrela, otsailean ” Pablo ríosen ”Presidente Trump: Dios perdone a América”, martxoan Comottoren ”155” eta apirilean Jorge Rieraren ”Putokrio” oparitu dira.

Komikien irakurketa plana

Ikastetxeekin elkarlanean eta irakasleen laguntzaz ikasturtean zehar Lehen eta Bigarren Hezkuntzako ikasle guztiek komiki bat gutxienez irakurriko zutela adostu zen. Udal Liburutegia arduratu da gela osoko ikasle guztiei titulu berdinaren behar beste ale lortzeaz. Horrela, guztira, 32 titulu desberdinetako 905 komiki irakurri dira gaur arte.

Maileguak

Kanpaina honetan komikien mailegu kopurua handitu dela egiaztatu da, iazko denboraldi berean 354 ale mailegatu bait ziren eta aurtengoan 407.

Liburutegiko langileak pozik agertu dira tailerren eta topaketeten balorazio onak a Liburutegian bertan kanpaina izan duen harrera ona ikusita.