Tabakoak dakaartzan arriskuen berri emateko informazio mahai jarriko dute AECC eta Osakidetzak

Munduan eta urteroko legez, Tabakorik Gabeko Eguna ospatuko dugu maiatzean, Osasunaren Mundu Erakundeak bultzaturiko erabakiari jarraiki. Eguna maiatzaren 31 da, tarorren asteko asteaznena, eta OMEak eta bere elkartekideak jarduerak eta kanpainak gauzatuko dituzte, tabakoarekiko dependentziak dakarzkigun arriskuak agerian jarri eta ezagutarazteko xedez. Horren helburua tabakoaren kontsumoa gutxitzea izanik. 2017 honetako leloa ondorengoa da: “Garapenerako mehatxua da tabakoa”.

Horren harira, AECCren Ermuko batzordeak, Osakidetzaren Debabarrena bailarako OSIarekin batera mahai informatiboa jarriko du, bihar maiatzaren 26ko ostiral goizean, gure bizitzan ohitura osasungarriak txertatu behar izanaren inguruak jabetu gaitezen. Ekimenaren lema “Utz dezagun tabakoa elkarrekin”.

Mahai horretan AECCko kideek eta osasun zentroko langileekin batera proba fisikoak egitea proposatu eta eskainiko diete kaletik pasatzen diren herritarrei. Probak cooximetriak eta nikotinarekiko menpekotasun maila neurtzeko proba izango dira. Jardueraren helburua erretzaileei hori uzteak duen garrantziaz ohartarazi nahi zaie, aldi berean horretan lagungarri izan dakizkiokeen tratamenduei buruzko informazioa ere emango zaielarik. Bihar, maiatzaren 26ko ostiral goizean, 10:00etatik ordu 2etara bitartean, plazan izango dute mahai informatiboa.