Ermuko Txirrindulari Taldeko gazteek arrakastatsu Bizkaiko Txapelketan

Aurreko asteburuan jokatu izan da txirrindularitzako Bizkaiko Txapelketa errepidean eta agerian geratu da Ermuko Txirrindulari Taldeko gaztetxoek Etorkizuna oparoa izan dezaketela, maila ona erakutsita podiumera igo eta sailkapeneko lehen postuak lortu baitzituzten. Gazte eta mutikoen mailan Aimar Galdos Alonso txapeldun izan zen, helmuga bakarrik zeharkatu ondoren. Neskatoetan, Ixone Viñambres txapeldun ordu izan zen, helmugan bigarren sartu eta gero, taldekide eta Zaldibarko bizilagun den Naiari jarraiki. Lehenengo hamarren artean ere Julen Peláez gaztea sailkatu zen.

Lasterketa Berangon korritu zen. Gazteek karrerari goizeko 10 eta erdietan hasiera eman zioten. Hiri barruko zirkuitua zen eta 3 km eta 300 metroko luzera zuen, txirrindularriek horri lau itzuli eman behar zizkiotelarik, guztira 13,200 km betez. Ibilbide horretan 600 metroko gailurra zegoen eta horrek lasterketa gogortu egin zuen. Karrera normaltasunez hasi eta joan zen, tropela asko zatikatuz minutuak eta metroak aurrera egin ahala. Ibilbide gogortxoa zenez, lau itzuen ostean Aimar Galdos bakarrik zeharkatu zuen helmuga, lehiakideak atzean utzita. Hortaz, aurtengo Bizkaiko txapelduna dugu infantil eta mutiletan. Kategoria berean baina nesketan, txapeldun orde izan genuen Ixone Viñambres, zeina bere taldekide Naiaren ostean gurutzatu zuen marra. Sailkapen orokorreko lehen hamar postuetan ere Julen Pelaez gazte ermuarra ere izan genuen.

Hortaz, ez dago gehiago eskatzerik. Etorkizunari begira sendo gaudela eta promesak ditugula txirrindularitzan argi dugu. Zorionak guztioi!