Lesbianismoaren inguruko 'Bidean: ezkutukotik ikusgaitasunera' erakusketa ekarri du Aldartek

‘Aldarte’ elkarteak -Lesbiana, Gay eta Transexualei arreta eskaintzeko zentroa kudeatzen duenak- ‘Bidean: 1997tik 2007ra bitarteko ibilbidea; ezkutukotik ikusgaitasunera’ tituluko erakusketa ekarri du Ermuko Emakumearen Topagunera. Bildumak kartel, aldizkari eta dokumental ezberdinen bidez 1977tik aurrera lesbiana kolektibo nahiz mugimendu feministak beren eskubideen alde gauzaturiko borrokan lortutako mugarriak biltzen eta ikusgai jartzen ditu. Kronologikoki ordenatutako panelen bidez, emakume lesbianen borroken helburu eta erreibindikazioen ibilbide historikoa egiten da.

Erakusketa ekainaren 30era mantenduko da Emakumearen Topagunean. Sarrera doan da eta ikus daiteke astelehenetik ostegunera, goizez 8.30etatik arratsaldeko 3etara bitartean eta, arratsaldez 4 eta erdietatik 8etara bitartean. Ostiraletan, bakarrik goizez.