Santixau jaietaz burubelarri sartu aurreko asteburua

Ermuak jai nagusien aurreko asteburu bizi-bizia pasatzeko prest dago. Jai-egitaraua lepo dago, eskaintza zabala eta denon gusturako jarduerak baitakartza aukeran. Aurten ia astebete jaietan pasatzeko parada izango dugu, eta gozatzeko. Koadrilen arteko jolasak gaur bukatuko dira play-backeko lehiaketarekin. Play-back lehiaketa oso errotuta dugu eta zale asko biltzen ditu plazan urtero. Eguneko jarduerarik garrantzitsuenetakoa da, pala txapelketako finala ahantzi gabe.

Larunbat eta igandean zehar hamarna jarduera izango ditugu gutxi gorabehera, goizetik hasi eta gauera artean. Horien artean azpimarragarri dira ‘La Pegatina’ talde kataluniarrak eta ‘Stai Zitto’ ermuarrak larunbat gauean emango duten zuzeneko kontzertu beroa. Eta baita ere, futbol-aretoko partidak, Urko mendira igoera, mendiko txirrindularitza, boloak, musika eta dantza erakustaldia, eta abar. Gauza ugari eta denon zaletasunak asetzeko beste.

Jarduera eta ordutegiak kontsultatzeko, azpiko informazio gehiagoko lasterbideari lotura egin diogu, horretan 2017ko Santixauen programa ofiziala eskainiz.