Aitor Hernandez txirrindularia hirugarren izan da Laudioko ziklokrosean

Aitor Hernández txirrindulari ermuarra (Specialized-Ermua Innpulso) hirugarren izan da Laudioko XXX Ziklokrosean, UCIren C1 mailakoa eta Espainiako Kopako lehen proba 2017 honetan. Helmugan lehena Felipe Orts izan da, bigarrena 31 segundotara Tony Periou frantziarra ermuarrari esprintean gailendu zaiona. Hirugarren ermuarra, denbora berberarekin. Hortaz, podiora igo bai, baina zapore gazi-gozoaz.

Irteera ondo joan da Hernandezen interesekiko, aurreko postuetan kokatu baita Orts valentziarraren atzetik. Denbora eta bueltak aurrera joan ahala, Orts lasterburua hartu eta Aitorrekiko tartea ireki du, ezin izan baitio jarraitu. Bigarren postuaren borrokan ere, ermuarrak amore eman eta hirugarren sartu zen helmugan.

Amaieran podiora igo zen, nazioarteko probatan estreinakoz aurtengoan, eta ondorengoak Aitorren hitzak eta balorazioa: “Beste behin gustura sentitu naiz Crux bizikletaren gainean, eroso; ondo irteeran nahiz Ortseren atzetik izan, nahiz eta zonalde teknikoetan ihes egin duen, indartsuen baitago momentuz. Gainontzeko karrera frantsesarekin bat egin dudan arren, amaieran aurreratu eta lehenago helmugaratu da, nire aurretik nahiz denbora berberarekin. Dena den, irakurketa positiboa egiten dut, sentsazio onak izan baititut egun guztian zehar. Gustura egindakorekin”.