Hiri Hezitzailea parte-hartze prozesuaren bigarren saioa

Ermuko Udalaren Hiri Hezitzailea proiektuak oinarrizko eskutitza osatu eta oinarriak zehazteko lanetan jarraitzen du. Aste honetan izan da parte-hartze prozesuko lehenengo saio publikoa, eta bertan, hiritarrek euren ekarpenak eta iradokizunak egin eta ideia berrian proposatu dituzte. Horrela, guztion artean Ermua hezitzailea eraiki ahalko dugu.

Datorren asteartean, azaroak 14, hiritarren parte-hartze prozesuko bigarren saioa ospatuko da, proiektuaren bide-orria izango den dokumentua eratzen jarraitu ahal izateko. Bilera hiritar guztiei irekia dago, edonork parte hartu dezake, eta Ermuko Udaleko talde sustatzaileak gidatuko du saioa. 18:00etan hasiko da, Izarra Centre eraikineko laugarren solairuko B aretoan, eta ordu eta erdi inguruko iraupena izango du. Antolatzaileek Ermuko bizilagun guztiei parte hartzeko deia luzatzen die, euren ekarpenak egin ditzaten.

Izan ere, parte-hartze prozesu honen helburua guztion artean Ermua Hiri Hezitzailearen Gutuna osatzea da, gure herria nolakoa izatea nahi dugun zehaztu eta arlo honetan etorkizunean egingo diren ekintzen oinarriak adierazteko. Lan dinamika ezberdinen bitartez, hiritarrek erabakiko dute nola funtzionatuko duen Ermuak zortzi arlo desberdinetan, hiri guztiek hezteko aukera kontaezinak dituztela ulertzen baitugu.

Ermua duela gutxi batu da Hiri Hezitzaileen Nazioarteko Sarera, zehaztutako estrategia komunaren arabera lan egiteko xedearekin. Hiri hezitzaileen erronka nagusietako bat izaeraren eta dibertsitatearen arteko oreka eta armonia bultzatzea da, hiria osatzen duten komunitateen ekarpenak eta elkarbizitzen duten guztiek aintzat hartuak izateko duten eskubidea ahaztu gabe. Hori dena, sistemaren konplexutasuna eta hezkuntza eragile anitz gisa duen izaera ahaztu gabe.