Aitor Hernandez nagusi, Berriz eta Lezemako ziklokrosetan

Aitor Hernandez txirrindulariak asteburu aparta izan du. Larunbatean Berrizko Ziklo Kros Sari Nagusia irabazi zuen eta, atzoko igandean, Lezamako VIII Ziklokros Zirkuitua, hurrenez hurren. Bi lasterketa eta bi garaipen, ez dago gehiago eskatzerik. Denboraldi honetan irabazi duen bosgarren eta seigarren aldia izan da.

Atzo, Lezaman helmuga zeharkatu eta irabazi ondoren honakoa esan zuen: “Beste behin, lokatzak zirkuitua asko gogortu du nahiz eta ni ondo sentitu eta haize ibili naizen. Gogoa nuen honelako asteburu bat edukitzeko, garaipenengatik ez ezik korritu ditugun zirkuituengatik, lokatzez, blai eta gogorrak izan direlako. Irabaztea beti polita bada ere, hurrengoetan pentsatu eta zentratu behar, asko geratzen baita”.