Aitor Hernandez gogotsu dago Espainiako txapelketaren bezperan

Igande honetan Espainiako Ziklokros txapelketa jokatuko da Legazpin. Aitor Hernandez (Specialized-Ermua Innpulso) bere hirugarren garaipena litzatekeena lortzen saiatuko da. Erronka handia eta zaila da, korridore guztiek onena ematen saiatuko direlako garaipenaren bila. Hortaz, lehiaren maila altua izango da. Nolanahi ere, ermuarrak txapelketa hori bere helburu garrantzitsuenen artean du aurtengo denboraldirako.

Legazpiko zirkuitua oso gogorra da oinez egin beharreko tarte luzeak izan eta gune tekniko gutxi dituelako. Azken aste eta egunetako elurteek ibilbidean eraginik ez izatea esperokoa da. Nolanahi ere, txirrindulariak behin eta berriz pasatzean bigunago jarriko eta lokatza ere izatea ere esperokoa da, azken egunetako euriengatik. Asteburuan ere euria botatzen jarraituko duela iragarrita dago.

Aitor Hernandezek esan duenez “denboraldia prestatu izan dut aste honetan saoiko egon eta Espainiako txapelketa on bat egiteko asmoz”. “Zirkuitu ederra izango dugu, buztia eta lokaztua, hortaz hainbat lekutan pedalei asko eragin beharko zaie abiadura hartu ahal izateko. Ziklokros onenaz gozatzeko aukera ona denez, gogotsu nago eta maila eman nahi dut” erantsi du.

“Nire helburua irabaztea izango da. Horrela egiten dut beti eta asteburu honetan ez da ezberdina izango. Maila altua dugu korridore guztiek; Felipe [Orts] indartsu dagoen arren, Ismael [Esteban] edo J. R. Larrinaga edo Kevin [Suarez] bezalakoak ezin ditugu ahantzi, azken ateetan gauzak oso ondo egiten ari direlako. Lehiatze maila gorena izateak ez nau mugatu behar , nire burua gainditu eta karrera on bar egiteko, horregatik dena emateko asmoa dut, Espainiako hirugarren txapela janzteko. Gogotsu nago eta igandean borrokatzeko prest” gehitu duelarik ermuarrak. Zorte on!