Aitor Gonzalez txirrindularia Kolonbian da korritzen, Mallorcan podiumera igo ondoren

Aitor Gonzalez Prieto @aitor1313 (Euskadi-Murias taldeko kideak) podiumera igo da aurtengo denboraldian estreinakoz jokatu berri den ‘Challenge Mallorca’ itzulian, sprint bereziak irabazita. Ermuarra protagonista izan zen 177,7 kilometroko luzera zuen Campos - Porreres - Felanitx - Ses Salines Sarian, ihesaldi onean sartu baitzen beste zortzi kirolarirekin batera. Aitor Gonzalezen ahalegin eta adoreak saria jaso zuten.

Aitor Gonzalez une honetan Kolonbian dago, atzo hasi eta 11ra bitartean jokatuko den 2.1 ‘Oro y Paz’ karreran parte hartzen. Aitorrek denboraldi hasierako une gozoari eustea espero du, ondo ibiliaz eta Euskadi-Murias taldeko elastiko berdea ikustaraziaz, Profesional eta Kontinental taldeko kide den estreinuan. Bizkaitarrari 93 zenbakiko dortsala egokitu zaio eta berarekin bat ditu Ander Barrenetxea, Sergio Rodriguez, Beñat Txoperena eta Gotzon Udondo kirolariak. Kolonbiako lasterketa honetan 23 talde daude, 4 WorldTour eta beste 9 Profesional Kontinentalak.

Euskadi-Murias taldean hirutan zatitu izan da beste horrenbeste karreratan parte hartzeko: Valentziako Erkidegoan, Bessèges eta Kolonbian. Aitor azken talde horretan dago, lurraldera otsailaren 3ko zapatuan iritsi zirelarik. Ordutik eta bere Twitterreko perfilean adierazi duenetik pozarren dago,m bertako zaletuek oso harrera beroa egin izan dietelako. Hori frogatu dute behin baino gehiagotan, Cali herri inguruko errepideetara entrenatzera atera diren bakoitzean.