Liburutegiak dedikatutako komikiaren zozketako sariduna iragarri du

Ermuko Udal liburutegiak bere erabiltzaileen artean komikien irakurketa bultzatzen jarraitzen du, eta aurreko hilabetean bezala, komikiak maileguan eramaten dituzten pertsonen artean egileak dedikatutako obra baten zozketa egin du oraingoan ere.

Martxoko saritua Idoia Errasti izan da, eta irakurleak Aitor Iñaki Erañaren Freaks lana jaso du, marrazkilariak berak dedikatuta.

Aurtengo kanpainako azkeneko zozketa datorren maiatzaren 2an egingo da, eta bertan parte hartuko dute apirilean zehar komikiak maileguan hartzen dituzten pertsona guztiek.

Ekintza honekin batera, liburutegiko sarreran dagoen komiki berrien erakusketak eta ikastetxeetako ikasleei zuzendutako komikiak irakurtzen hasteko eta ilustrazio tailerrek osatzen dute liburutegiak antolatutako egitaraua.

Zatoz liburutegira eta deskubritu literatur genero hau!