Herritarron elkar ateratzea deitu du Berdintasunerako Kontseiluak

Ermuko Berdintasun Kontseiluak ermuarroi dei egin digu gaurkoan –apirilaren 27ko ostiral honetan- elkarrekin plazara atera gaitezen eta jarraian martxa zaratatsua gauzatzeko, 2016ko San Fermin jaietan erasoturiko emakume biktimarekin bat egin eta elkartasuna adierazteko eta baita gertakizuna epaitu duen Nafarroako Audientziak emandako epaiarekiko desadostasuna agertzeko.

Bart eguerdian epaia ezagutarazi zenetik estatu osoan zehar jasandako erreakzio ugarien jarraipena da gaurko deialdia. Nafarroako Audientziak (#LaManana) taldeko bost kideak 9 urtez espetxean mantentzera eta bost urtez zaintzapeko askatasunera zigortzea erabaki baitzuen, jarraituko sexu abusuaren delituagatik.

Bart arratsean ehunka bizilagun herriko plazara bildu ziren ‘Nushu’ taldeak luzaturiko deialdiari erantzunez, gertakizunen balorazioarekiko eta Epaimahaiak jarritako zigorrarekin ados ez zirela adierazteko.

Epaitutako kideak egindakoa eta izandako jarreraren aurrean gizartearen gehiengoak ez du ebazpena ‘justotzat’ ez eta ‘eredugarritzat’ jo. Izan ere, ikuspuntu moral guztietatik ukagarri baitira. Inoiz ez, jaietan ezta ere. Ezetz, beti ezetza delako!