Imanol Alvarezen Guerrera juniorrak final zortzirenen atarian geratu dira

Imanol Alvarez entrenatzaile ermuarrak gidatzen duen Espainiako emakume juniorren eskubaloi selekzioak ezin izan du taldeen fasetik aurrera egin Hungariako Munduko Txapelketan.

Mirene Moreno eta Anne Erauskin jokalari ermuarrak alboan izan ditu Alvarez entrenatzaileak, baina bosgarren lekuan amaitu dute taldeen fasea. Bi garaipen (Egiptoren eta Kroaziaren aurka) eta hiru porrot (Suedia, Alemania eta Frantzia) eskuratu ditu selekzioak, eta President’s Cup atala jokatuko du.

Guerrera juniorren hurrengo partidua astearte honetan, uztailak 10, 11:45etik aurrera jokatuko da. Angolako selekzioa izango dute aurrez aurre, eta bi taldeak Mundialeko hamazazpigarren postua lortzeko lehian arituko dira.

Hungaria da emakumezko juniorren XXI. Eskubaloiko Munduko Txapelketako egoitza, uztailaren 1etik 14ra bitartean. Imanol Alvarezen Guerrera juniorrak D taldean aritu dira, eta Frantzia, Suedia, Alemania, Kroazia eta Egipto izan dituzte aurrez aurre pasatu den astean.