Aimar Galdosek emaitza onak eskuratu ditu infantilen Espainiako Txirrindularitza Txapelketan

Aimar Galdos (Ermuko Txirrindulari Elkartea) txirrindulari ermuarrak Euskadiko selekzioarekin parte hartu du pasatu den asteburuan Espainiako Infantilen Txapelketan. Uztailaren 6tik 8ra Ourenseko Maceda eta Baños de Molgas herrietan lehiatu den txapelketan aritu da Galdos Euskadiko taldearekin.

Ermuarrak emaitza onak lortu ditu parte hartu duen hiru lasterketetan. Lineako lasterketan, hamabosgarren postua eskuratu du 60 txirrindularitik gorako proban, eta gymkanan, aldiz, zortzigarren leku onean iritsi da helmugara.

Taldekako proban ere parte hartu du Euskadiko selekzioarekin, eta hirugarren lekuan amaitu du lasterketa.

Bizkaiko Txirrindularitza Eskolen Topaketa

Ermuko Txirrindulari Elkarteak Bizkaiko Txirrindularitza Eskolen arteko Topaketa antolatu du igande honetarako, uztailak 15. XL. Santixauak proba 11:00etan hasiko da Goitondo Goikoa Industrialdean, Hambren, eta bertan amaituko dira lasterketa guztiak.

Bizkaia osoko benjaminek, alebinek eta infantilek parte hartu ahalko dute 1.200 metroko zirkuituan, eta mailaren arabera itzuli kopurua aldatu egingo da.

Probako kartela lotura honetan ikusi daiteke.