Tren zerbitzu bereziak Bilboko Aste Nagusia dela eta

Abuztuaren 18tik 26ra, Bilboko Aste Nagusian zehar, gaueko trenen zerbitzu berezia eskainiko du Euskotrenek, Txorierri (Bilbo-Lezama), Urdaibai (Bilbo-Bermeo), Durangaldea eta Debabarrena (Bilbo-Donostia) lineetan ohiko ordutegia osatuz.

Tren bereziek linea guztiak indartuko dituzte eta horrekin Aste Nagusiko gauetan zehar joan-etorrien beharrizanak bete nahi dira, alboko herrietan bizi diren pertsonei jaietaz lasai gozatzeko aukera emanez.

Matiko – Traña – Elgoibar arteko ibilbidea indartzeko, gau osoan zehar tren bereziak egongo dira jaiek irauten duten bitartean. Ordutegi zehatzak jarraian eransten dugun dokumentuan kontsultatu daitezke.

• Bilboko Aste Nagusiko ordutegi bereziak

Jende pilaketak ekiditeko eta zerbitzu erosoago bat eskaini ahal izateko, Euskotrenek Barik, BAT edo Mugi txartelak erabiltzea gomendatzen du, edo bestela joan-etorriko bi bidaia-txartel erostea itzultzerakoan ilarak ekiditeko.

Informazio gehiago behar duten erabiltzaileek Euskotrenen 944 333 333 telefono zenbakira deitu, geltokietan eta geralekuetan kontsultatu edo konpainiaren webgunera edo Twitter profilera jo dezakete.