Abian dira XI. Mexiko Rebelde jardunaldiak

Komite Internazionalistakek, Ermuko Udalaren laguntzarekin, Mexiko Rebelde Jardunaldien hamaikagarren edizioa antolatu dute gure herrian.

Egitaraua gaur asteazkena, urriak 3, hasiko da hitzaldi batekin. Aurten Mexikon eta Chiapaseko Komunitate zapatistetan egon diren brigadistek euren esperientziak kontatuko dituzte 19:00etatik aurrera Eskilarapeko Ateneoan egingo den topaketan.

Jardunaldien egun handia larunbata izango da, urriak 6, eta festa 14:30etik aurrera hasiko da Eskilarapekon egingo den bazkari mexikar herrikoiarekin. Tiketak salgai daude dagoeneko Infreñu tabernan, eta 10 euroko prezioa dute.

Arratsaldean, 19:30ean, Radio Revolución taldeak kontzertua eskainiko du Orbe Kardinala plazan. Musika proiektu hau 2003. urtean sortu zen Londresen, eta ska, reggae, punk eta cumbia erritmoekin mugiaraziko gaituzte.