Minbiziaren aurkako martxak 3.600 dortsalak saldu ditu

Jarduera honen helburua minbiziaren aurkako ikerketarekin jarraitu ahal izateko dirua biltzea da. Aurtengo martxan biltzen den dirua haurren minbizia ikertzeko beka batera bideratuko da. CARs edo antigeno kimerikoen hartzaileak adierazten dituzten NKs zelulen sorkuntza, minbizi pediatriko errefraktarioa tratatzeko du izena ikerketak, eta Lara Herrera del Val doktoreak zuzentzen du BIOEF fundazioan (Osasun arloko ikerketa eta berrikuntzaren Euskal Fundazioa).

Martxa urriaren 21ean, igandea, 112:00etan hasiko da. Ibilbidea iazko berdina izango da, eta herriko kaleetan zehar igaroko da 3.400 metro osatu arte. Zirkuitua korrika -zati neutralizatuan- nahiz pasioan egin ahalko da, eta adin guztietako pertsonei zuzenduta dago. Izan ere, ez dago baldintza berezirik, parte-hartzeko borondatea eta gogoa jartzea bakarrik eskatzen baita.

Martxan parte hartzen duten pertsonek dortsala eta kamiseta eraman beharko dituzte. Aurtengo elastikoa kolore berde argikoa da, eta besoen azpian bi marra beltz ditu.

Boluntario taldea bat martxa antolatzeko lanetan dabil jada, eta Gaztela Leongo Zentroaren laguntza izango dute ibilbidea zehazteko, mahaiak muntatzeko eta zintak jartzeko lanetan, besteak beste.

AECCren tokiko batzarrak hainbat merkatal etxe eta enpresen laguntza dute laugarren martxa hau aurrera eramateko.