Azken egunak liburutegiko ekintzetan izena emateko

Ermuko udal liburutegiak antolatzen dituen irakurzaletasuna sustatzeko ekintzak denboraldi berria hastear dira, eta jarduera batzuetarako oraindik plaza libreak gelditzen dira. Adin tarte guztietara zuzendutako ekimenak dira, eta gehienak otsailetik maiatzera bitartean garatuko dira, astero, hilero edo bi hilean behin.

Jarduera gehienetan eskaini diren plaza guztiak bete diren arren, oraindik ere izena eman daiteke honako hiru ekintzetan:

• Helduentzako euskarazko irakurketa kluba: hilean behin astelehen batean biltzen da taldea, 19:30etik 21:00etara.
• Helduentzako poesia tailerra: hamabost egunean behin larunbat batean izaten dira saioak, 11:00etatik 12:30era.
• 60 urtetik gorako pertsonentzako 2.0 irakurketa tailerra: partaideak hamabost egunetik behin ostegun batean batzen dira 11:00etatik 12:00etara.

Hiru ekintza horietako edozeinetan izena emateko, liburutegira jo dezakezu 09:30etik 20:30era, 943 17 92 12 telefono zenbakira deitu edo biblioteca@udalermua.net helbide elektronikora idatzi izen-abizenak, liburutegiko bazkide txartelaren zenbakia eta harremanetarako telefonoa emanez.