Arratsaldean kontu kontari japoniar erara

Ermuko Udal liburutegiak Arratsaldean Kontu Kontari ipuin-kontaketa zikloko saio berri bat antolatu du larunbat honetarako, otsailak 23.

Urteko bigarren kontaldiaren izenburua Kamishibai, ipuin japoniarrak da, eta 4 eta 8 urte arteko neskato-mutikoei zuzenduta dago. Birjiñe Albira izango da ipuin-kontalaria, eta saioa euskara hutsean burutuko da.

Jarduera Lobiano Kultur Gunean izango da, 17:30etik aurrera, eta sarrera doakoa da. Kontaldiaren martxa egokia bermatzeko, plazak mugatuta egongo dira eta gehienez ere 40 neska-mutilek parte hartu ahalko dute. Era berean, etenik ez sortzeko, puntualtasuna eskatzen da.