‘Story Time’: ipuinak ingelesez etxeko txikientzat

Ermuko Udal liburutegiak ingelesezko Story Time ipuin kontaketa saio berri bat antolatu du larunbat honetarako, martxoak 9.

Ipuin saioaren izenburua An Irish Myth da eta 4 eta 8 urte bitarteko umeei zuzendua dago. Kontaketa Hannah Berry ipuin kontalariaren eskutik izango da.

Jarduera hau liburutegiak antolatutako asteburuetarako ekintza egitarau bereziaren barne dago eta helburu bikoitza dauka: batetik, ipuinen mundura ahozko tradizioaren bitartez hurbiltzea, eta bestetik, umeen ingelesezko gaitasun linguistikoak hobetzea.

Ekimena doakoa da, eta larunbat arratsaldean hasiko da, 17:30ean, Lobiano Kultur Gunean. Plazak mugatuta daude (40 ume) saioaren isiltasun eta kalitate baldintza egokiak bermatzeko. Era berean, etenik ez sortzeko, puntualtasuna eskatzen da.

• Liburutegiko ipuin-kontaketa saioen kartela