Arratsaldean kontu kontari Lobiano Kultur Gunean

Ermuko Udal liburutegiak Arratsaldean kontu kontari ipuin kontaldi saio berria antolatu du larunbat honetarako, martxoak 23.

Flobin, jolas eta ipuin da saioaren izenburua, eta 5 eta 8 urte arteko haurrei zuzenduta dago. Xabi Flamarique izango da ipuin kontalaria, eta saioa euskaraz burutuko da.

Ekimena Lobiano Kultur Gunean izango da, arratsaldeko 17:30ean hasita, eta sarrera doakoa dela gogorarazten da. Jardueraren martxa egokia bermatzeko, plazak mugatuak izango dira eta gehienez ere 40 neska-mutilek parte hartu ahalko dute. Halaber, eta etenik ez sortzeko, puntualtasuna eskatzen da.