Guraso-lagun ostiralean bilduko, mintzapraktika egin eta korrikarako petoak prestatzeko

Berbalagun ekimenak beste behin guraso-lagun irekia –guraso nahiz seme-alabentzat- antolatu eta deitu du aste honetarako. Saioa ostiralean egingo da, apirilaren 5ean, Kaltxango euskaltegi berrian, arratsaldeko bost eta erdietatik zazpietara bitartean. Ordu eta erdiko saio horretan Korrika peto pertsonalizatuak prestatuko dira, eskulanetan jardunez gozo-gozo.

Guraso-lagun ekintza puntuala izan arren, hiruzpalau aldiz burutzen da urtean. "Irekia" adjektiboa erabiltzen du Ermuko edozein gurasok (eta bere seme-alabak) parte hartu ahal duelako. Ez dago zertan guraso-lagun talde batean izen emanda egon behar. Saioak tematikoak izaten dira eta guztietan guraso eta umeen arteko hartu-emana eta elkarlana sustatzen saiatzen dira antolatzaileek. Gaiek egiten den sasoiarekin izaten dute lotura. Oraingoan, ezeinbestean, Korrika petoak egingo dituzte, edizioa gaur bertan hasiko baita Gares (NA) herrian. Parte hartu nahi dutenek, 663 070 492 telefonora deitu eta izena eman dezakete.