Aimar Galdos txirrindularia garaile izan da Atarrabian

Aimar Galdos Alonso (Gaursa Renault-Elorrio-Abadiño) txirrindulariak ermuarrak lehen urteko kdeteentzat Burlata-Atarrabian (Nafarroan) jokatutako Beola Motor XXX. Saria irabazi zuen pasa den azken asteburuan. Saria herriko txirrindulari elkarteak antolatzen zuen eta garaipen horri esker, Gaursa Renault-Elorrio-Abadiño taldeko kirolariak kadete mailako lidergoa eskuratu du, sari banaketa ekitaldian elastikoa jantzi zuelarik.

Aimar lehen izan zen helmugan txirrindulariek egindako sprintean gailendu eta gero. Lineako lasterketa honetan 48 kilometro korritu zituzten, garaileak hori betetzeko ordu bete, 13 minutu eta hogeita bost segundo behar izan zituelarik. Denbora bera markatu zuten bere atzetik jarraian sartu izan ziren hogeita hamarrek. Ermuarrak lasterketa horretan eta bataz beste orduko 39 kilometro abiadura izan zuen, sailkapenean jasotzen denez (3. orrialdean).

Ermuarrak erregulartasunari eutsi nahi dio denboraldi on bat egin eta ikasten jarraitzeko.