Lehen Mailako 7 klubetako taldeak lehiatuko dira Ermuko IV. Kadeteen Futbol Txapelketan

Ermua Kirol Taldeak Monroe Intelligent Suspension kadeteen futbol txapelketaren laugarren edizioa antolatu du larunbat honetarako, apirilak 27. Partidu guztiak Betiondo Kirol Gunean eta Teodoro Zuazua Udal futbol zelaian jokatuko dira.

Guztira zortzi talde lehiatuko dira txapelketa honetan, tartean, herriko taldea. Ermua C.D.rekin batera izango dira egun Lehen Mailan jokatzen duten zazpi klubetako kadeteen taldeak: Athletic Club, Real Valladolid, Deportivo Alaves, Real Sociedad, SD Eibar, Osasuna eta Valencia CF. Horrela, talde handiek euren haztegietan dituzten etorkizuneko kirolariak izango ditugu herrian.

Txapelketa bi bloketan banatuko da, eta bakoitzean lau talde arituko dira. Partiduak goiz eta arratsaldez jokatuko dira, 09:30ean hasi eta 18:00ak arte. Eguerdira bitartean ligaxkan lehiatuko dira bi blokeak, eta arratsaldean, atal bakoitzeko bi talderik onenak finalerdietan izango dira aurrez aurre. Final nagusia 18:00etan jokatuko da Teodoro Zuazua futbol zelaian.

19:00etan sari banaketa izango da, eta horrekin amaituko da txapelketa.

Partidu guztien ordutegiak eta txapelketako kartela Ermua Kirol Taldearen webgunean ikus daitezke.