Ermuko Txirrindulari Eskolako gazteek hainbat podio lortu dituzte

Ermuko Txirrindulari Eskolan dauden gazteek kirolari moduan hasten eta ikasten jarraitzen dute. Azken asteburuan hainbat probatan hartu zuten parte, guztietan ere emaitza onak lortuz. Izan ere, gazteek podiumera igotzea lortu baitute.

Aurreko asteburuan –maiatzaren 12an- Berangon jokatu izan da txirrindularitzako Bizkaiko Txapelketa errepidean, eta agerian jarri du Ermuko Txirrindulari Taldeko gaztetxoek etorkizuna oparoa izan dezaketela. Gazte eta 2. urteko nesken mailan Izaro Oliveira txapeldun izan zen, lehen postuan helmuga zeharkatu ondoren. Bezperan, Bizkaiko Gymkana txapelketa jokatu zen Ondarroan, Oier Moral eta Izara Oliveira txapeldunorde izan zirelarik modalitate horretan.

Azken asteburu honetan Muskizen jokatu izan da Euskadiko gaztetxoen Txapelketa Izaro Oliveira Alberdi sasoi betean dagoela erakutsi zuen beste behin, txapeldunorde izanik eta Euskadiko lehen neska gaztea puntuen bidez, errepidea eta gymkana uztartzen dituen sailkapenean. Hortaz, Euskadiko lehen postua eskuratu zuenez, Espainiako Txapelketara joateko txartela du jada, zeina uztailaren 5, 6 eta 7an jokatuko den Cheste herrian (Valentzian).

Zorionak guztioi! Azpian, Txirrindulari Taldeko Loli kideak utzi dizkigun argazki bilduma uzten dizuegu.