I. Komiki Lehiaketako sari banaketa

Beatriz Gamiz zinegotziak Ermuko Udal liburutegiak antolatutako haurrentzako I. Komiki Lehiaketako sariak banatu ditu astearte honetan. Guztira 28 lan aurkeztu dira lehiaketara, 15 neskak eta 13 mutilek eginak, eta hiru kategoriatan banatu da.

Lehen Hezkuntzako 4. mailakoen kategorian, Eskolabarri ikastetxeko Ane Ceballos izan da garailea Esan agur kutsadurari lanarekin.

Lehen Hezkuntzako 6. mailakoen artean, aldiz, Ongarai Eskolako Eider Gonzalez gailendu da Komikia egiten lanaren eskutik.

Azkenik, Bigarren Hezkuntzako 1. mailakoen atalean, San Pelaio Ikastetxeko Malen Losada eta Aroa Centeno ikasleen Moni y Loli lana izan da onena.

Irabazleen lanak atal honetan kontsultatu daitezke.

Lau irabazleek euren sariak jaso dituzte zinegotziaren eskutik. Marrazketarako materiala lortu dute guztiek, euren irudimena lantzen jarraitzeko. Gainera, euren ikastetxeek -Eskolabarri, Ongarai Eskola eta San Pelayo ikastetxea- komiki sorta jaso dute sari gisa.

Ikastetxe bakoitzean egindako sari banaketako irudiak uzten dizkizuegu.