Odola emateko deialdia ostegun honetarako

Ermuko Odol Emaileen Elkarteak, Donaser izenekoak, odola emateko saio berria antolatu du gure herrian. Ostegunean izango da txanda, ekainaren 27an, goiz eta arratsaldez. Euskadiko Transfusioen eta Giza Ehunen Zentroak unitate mugikorra bidaliko du Ermura odola herrian bertan eman ahal izateko, ospitalera joan beharrik izan gabe.

Autobusa anbulatorio zaharraren aurrean kokatuko da, 09:15etik 14:00etara eta 16:30etik 20:30era.

Herriko odol-emaileak jakinaren gainean daude jada, deialdi bakoitzeko SMS eta e-posta bidezko mezuak jasotzen baitituzte.

Hurrengo txanda, uztailean

Datorren asteazkenean, uztailak 3, Euskadiko Transfusioen eta Giza Ehunen Zentroko unitate mugikorra herrian izango dugu berriro. Autobusa anbulatorio zaharraren aurrean kokatuko da, 09:30etik 14:00etara eta 16:30etik 21:00etara.

Gaur egun, odola ematea da modu bakarra gure osasun-sistemak ondo funtzionatzeko beharrezkoak diren odol-osagaiak lortzeko (hematiak, plaketak eta plasma).

Hurrengo txandak kontsultatzeko, ikus ezazu honako webgunea.