Aimar Galdos eta Izaro Oliveira, Euskadiko Txirrindularitza Selekzioarekin

Aimar Galdos (Gaursa Elorrio-Abadiño) eta Izaro Oliveira (Ermuko Txirrindulari Eskola) herriko txirrindulari gazteek Espainiako Eskola Txirrindularitza Txapelketan parte hartuko dute asteburu honetan Valentzian, Chesteko Ricardo Tormo zirkuituan.

Euskadiko selekzioaren deia jaso dute bi kirolariek, Galdosek kadeteen kategorian eta Oliveirak, aldiz, infantilen mailan.

Bihar ostirala lehiatuko dira lehenengo probak. Kadeteek taldekako erlojuaren aurkako lasterketak izango dituzte hasteko, eta jarraian, lehiakide berberak banaka arituko dira.

Larunbatean, uztailak 6, infantilen txanda izango da, eta lineako txirrindularitza probetan arituko dira. Egun beheran lehiatuko dira BTT eta Gymkana modalitateak ere.

Txapelketa igandean amaituko da, hilak 7, kadeteen arteko lineako txirrindularitza lasterketekin.

Informazio gehiagorako, kontsulta ezazu RFEC Espainiako Txirrindularitza Federazioaren webgunea.