Iker Mancebo txirrindulari jubenil ermuarra da aurtengo Bizkaiko Txapeldunordea

Herriko txirrindulari afizionatu eta gazteek arrakastaren olatuari eutsiz jarraitzen dute eta azken asteburuan Iker Mancebo Martínez ermuarra Bizkaiko txapeldunorde izan da jubeniletan, Igorren jokatu izan den Bizkaiko Txapelketan. Gastronomía Baska-Avia-Liftra taldeko kide den Iker Mancebo hirugarrena izan zen helmuga zeharkatzen, 93 kilometroko ibilbidea 2 ordutan, 14 minutu eta 53 segundotan bete ondoren. Mancebok aurretik sartu zen Electro Alavesa- Etorki taldeko Mikel Berazaren denbora berdinean bukatu zuen, probako garaile izan zen Renault Gaursa Rent a Car etxeko Oscar Solanak baino bi segundo beranduago.

Lasterketako bigarren postua Beraza arabarrak lortu zuenez gero, bizkaitarren artetik Iker Mancebo ermuarra izanik bigarren eta txapeldunordea. Nolanahi ere, azpian uzten dizuegun argazkietan eta podiumean ikus daitekeenez proban hirugarren izan zen, tarteko helmugaren sailkapenetan ere emaitza berbera lortuaz. Argazkiak senidekoek utzi dizkigute eta eskubide guztiak autorearenak dira.

Laburbilduz, herriko gazte promesak une pozgarriak ematen jarraitzen dutela. Zorionak titulu garaileari!