San Martin azokako XXX. erakusleiho lehiaketa antolatu du Euskal Birusak

Euskal Birusa elkarteak herriko dendarien arteko XXX. San Martin erakusleiho lehiaketa antolatu du, azoka girotzeko asmoz.

Erakusleihoak apaintzeko, nekazaritza, abeltzaintza eta baserri giroko tresna eta jantziak erabili daitezke; oro har, azokarekin lotura izan dezakeen edozein elementu. Epaimahaiak banan-banan ikuskatuko ditu erakusleihoak, eta azaroaren 7an hartuko du erabakia. Konposizioa, originaltasuna eta azokarekin duen lotura hartuko ditu kontuan epaimahaiak.

Balorazio onena lortzen duten erakusleihoek garaikurra jasoko dute.

Saria azoka egunean bertan, azaroak 9, jasoko dute dendariek, 13:30ean Orbe Kardinala plazan.

Zalantzaren bat izanez gero, deitu 943 17 93 50 edo 688 63 28 74 telefono zenbakietara.