Aitor Hernandezek asteburuan kirol hitzordu bikoitza izango du Madrilen

Aitor Hernandez (Specialized-Ermua Innpulso etxeen babesa duen) txirrindulariak asteburu honetan lasterketa bitan korrituko du, biak ere Madrilgo erkidegoan: larunbatean Villa de Alalpardo Sari Nagusia, Espainiako zerrendarako puntuagarria izango dena eta, igandean, Espainiako Kopa Alcobendasen.

Alalpardoko lasterketak 2800 metroko ibilbidea du, argi eta garbi bereizitako bi zatitan banatuta: lehen zati bat lehertua eta teknikoa da, eta, bigarrena, abiadura handiagokoa, baina astean zehar eroritako euriengatik moteldu daitekeena. Igandean Alcobendasen jokatuko den Espainiako Kopan Aitor Hernandez 3.000 metroko zirkuitu azkar batean emaitza nabarmen bat lortzen saiatuko da.

Aitor Hernandezen adierazpenak: "Emaitza onak lortzen jarraitzeko motibazioarekin iristen naiz bi lasterketa hauetara. Igandekoa, Alcobendasen, gutxi gorabehera ezagutzen dut han korritu dudan beste urte batzuengatik; beraz, printzipioz, zirkuitu azkar baten zain nago. Dena den, euriteak iragarrita daude, eta, beraz, ahal den agertoki guztietarako eta oso ezberdinak izan daitezkeen lasterketetarako prest egon beharko dut".