Ez zaude bakarrik! animo-gutunak ospitaleko gaixoentzat

Koronabirusagatik ospitalean dauden pertsonentzako gutunak

Ermuko Udalak Covid-19 birusaz kutsatuta eta ospitaleetan isolatuta eta bakarrik dauden pertsonei eskutitzak idatzi eta bidaltzeko gonbitea egiten digu ermuar guztioi.

Ekimena Cristina Marin kirurgialariarena da, Madrilgo La Princesa ospitalekoa; duela astebete jarri zuen martxan, eta, tarte horretan, Estatuko gainerako ospitaleetako asko batu dira; 5 egunetan ia 36.000 gutun jaso dituztelarik. Udal honek ekimenarekin bat egiten du bere aletxoa jartzeko ekimen solidario honetan.

Hori horrela, laguntza- eta animo-gutunak bidali nahi dituzuen guztiek biblioteca@udalermua.net helbide elektronikora bidal ditzakezue, bertan bilduko baititugu gutunak behar den tokira helarazteko.