Telefono bidezko arreta enpleguaren eta lan orientazioaren inguruan

Ermuko Udaleko Gizarte Zerbitzuen alorreko Enplegu Zerbitzuek lan-munduarekin zerikusia duten alderdiei buruzko informazioa, orientazioa eta sarbidea behar duten pertsonei laguntzeko lanean jarraitzen dute.

Aurrez aurreko arreta mugatuta dago oraindik, Alarma Estatuaren ondorioz, baina zerbitzuak aktibo jarraitzen du telefono bidez.

Enplegu, orientazio eta laguntza zerbitzuei buruzko edozein kontsulta 943 17 91 61 edo 943 17 91 62 zenbakietara deituz egin daiteke. Arreta ordutegia astelehenetik ostiralera 08:00etatik 15: 00etara da.

Arreta-lerro horien bidez ematen den informazioa bi multzo hauetan banatzen da nagusiki:

• Enplegurako orientazioa
• Izapide ofizialak Lanbiderekin enplegu-eskariaren eta enplegu-bilaketaren eta prestakuntzaren arloan
• Enplegu eta prestakuntza-eskaintzak bilatzea
• Curriculuma eta aurkezpen-gutuna egitea
• Hautagai-zerrenda enplegu-atarietan, enplegu-agentzietan eta enpresetan kargatzea
• Profesionaltasun-ziurtagiriei eta lan-merkatuari buruzko informazioa
• Lana bilatzeko eta garapenean laguntzeko ibilbide pertsonalizatua diseinatzea
• Enplegua lortzeko hautaketa-prozesuei buruzko informazioa eta aholkularitza

 

• Enplegua bultzatzeko laguntzak, diru-laguntzak eta hartutako neurriak
• Herritar, autonomo eta enpresa txikientzat honako alorretan:
• Lan arloa: Lanbide Euskal Enplegu Zerbitzuarekin tramiteak egitea prestakuntza eta enpleguari buruz, SEPEren prestazioak ezagutzea eta Ermuko Enplegatze Agentziari buruzko informazioa jasotzea
• Arlo fiskala: Udalaren, Gizarte Segurantzaren eta Bizkaiko Lurralde Historikoaren tasak eta zergak geroratzea, eta etetea.
• Finantza arloa: Estatuko eta autonomia-erkidegoetako kredituen abalak eta atzeratzeak.
• Ermuko Udalaren eta Lanbideren jarduera uzteagatiko eta aparteko laguntzak, autonomoentzat eta enpresentzat, merkataritzarentzat, kulturarentzat eta ostalaritzarentzat
• Lokalen errentamendu eta alokairu kostuetarako diru-laguntzak

Ermuko Udalak enplegu-jarduera guztiak Izarra Prestakuntza eta Enpresa Ekimen Zentroan (Zearkalea, 34) ahalik eta lasterren egin ahal izatea espero du. Berriro irekitzeko data behar besteko aurrerapenarekin iragarriko da, herritar guztiak jakinaren gainean egon daitezen.

• Enplegu zerbitzuen kartela