Debabarrena ESIko osasun-zentroetan uda honetarako diseinatutako plangintza

Debabarrena ESIko zuzendaritzak eta gerentziak 2020ko uda honetan, ekainetik abuztura, biak barne, osasun-zerbitzuetarako diseinatutako plangintza jakinarazi du. Ermuan, xehetasun hauek izango ditugu: lehen mailako arretak eta Etengabeko Arreta Guneak (EAG) lehentasuna izango dute telefono bidezko arretan. Pazienteei gure osasun-zentroko ohiko zenbakietan emango diegu arreta: 943-03-26-30 eta 943-03-26-34.

Bidalitako oharrak adierazten duenez, Ermuko osasun-zentroa sektoretan banatuta dago (bereizita), pertsona helduak eta haurrak modu bereituan artatzeko. Paziente guztiak, gure patologia edo gaitza edozein dela ere, gure herriko osasun-zentroan atendituak izango gara.

Torrekuako (Amaña auzoa, Eibar) Etengabeko Arreta Gunea (EAG) guri dagokiguna da, eta uda osoan irekita egongo da pertsona guztiei arreta emateko; bai Covid-19arekin lotutako arnas sintomak dituzten pazienteei, bai arnasteko arazoak ez dituztenei eta gainerako patologi guztiei. Lanegunetan horren ordutegia ondorengoa da: 17:00etatik hurrengo eguneko 8:00etara. Eta 24 orduak etenik gabe larunbat, igande eta jaiegunetan.

Xehetasun eta informazio gehiago Osakidetzaren webgunean.