Maskara erabiltzea derrigorrezkoa da kiroldegiko fitness aretoan

Miguel Angel Blanco udal kiroldegiak fitness aretoko erabiltzaile guztiei gogorarazten die maskara erabiltzea nahitaezkoa dela muskulazio, tonifikazio eta luzatze ariketak egiteko moduluetan. Musukoa kentzea baimenduta dago kardioko elementuak erabili bitartean, hala nola bizikletak, makina eliptikoak edo korrika egiteko zintak.

Era berean, maskara derrigorrez erabili beharko da fitness esparru osoan, moduluen arteko igarobideetan eta instalazioaren barneko zirkulazioan.

Kirol-instalazioak ekainaren 15ean ireki ziren, hiru hilabeteko etenaldiaren ondoren, eta Ermuko Udaleko Kirol Alorrak Margube enpresaren laguntza izan du jarduera protokolo bat egiteko, instalazioak modu seguru eta higienikoan erabili eta gozatzeko.

Horrela, fitness aretoaren kasuan, araudiak ezartzen du jarduera guztiak banaka egin beharko direla, aurrez hitzordurik hartu gabe, pertsonako gehienez ordubetez. Bi eskuoihal erabili beharko dira, bat izerdiarentzat eta bestea makinentzat, eta edukiera gainditzen bada, instalazioetatik kanpo itxaron beharko da tokia libre geratu arte. Arau horiei maskararen nahitaezko erabilera gehitzen zaie orain.

Erabilera jarraibide guztiak esteka honetan kontsulta daitezke.

Gogorarazten dizuegu kirol-instalazioak zabalik egongo direla datorren ostegunera arte, uztailak 30. Abuztuan, hiru asteko geldialdi teknikoaren ondoren, Miguel Angel Blanco kiroldegia eta Aritzmendi pilotalekua abuztuaren 24an irekiko dituzte berriro. Abuztuan ordutegia astelehenetik larunbatera 09:00etatik 13:00etara eta 16:00etatik 20:00etara bitartekoa izango da, baina ez da ikastarorik izango eta ezin izango da fitness aretoa erabili.