Arantza Morenok Espainiako txapeldunaren bigarren titulua lortu du xabalinan

Arantza Moreno Fernandezek (FC Barcelonako kirolariak) bigarren urtez jarraian Espainiako xabalina-jaurtiketako txapelduna da, azken asteburuan Madriden jokatu izan den 100. Espainiako Txapelketa Absolutuan garaile izan eta gero. Espainiako Atletismo Federazioak (RFEA delakoak) adierazi duenez “Ekitaldi paregabea Espainiako Atletismo Federazioaren ehun urteko historian. Espainiako Txapelketak lehen aldiz ez du egoitza bakar bat izan, lau baizik: Madril, Getafe eta Alcobendas. Txapelketa ezberdina eta bestelakoa denboraldi korapilatsu eta zail honetan. Lehiaketa ikuslerik gabe egin da, instalazioetan dauden pertsona guztien osasuna babestea lehenetsi duen eta Covid-19ren aurkako osasun- eta prebentzio-neurri zorrotzak izan dituen txapelketa batean. Honako neurri hauek hartu dira, besteak beste: instalazio guztietan nahitaez maskarak erabiltzea, garbiketako, desinfekzioko eta higieneko protokoloak lehiaketako espazioetan eta materialean, sarbideetan tenperatura hartzea eta gutxieneko segurtasun-distantzia 1,5 m-koa izatea estadio osoan”.

Ermuarra txapela jantzi du 600 gramoko xabalina 55,83 metrora jaurti eta gero. Berarekin batera podiumean izan dira Unicaja Jaen taldeko Carmen Sanchez (45,24 m) eta Valencia Sport taldeko Paula Rodriguez (44,36 m).

Erregistroa joan den urtean lortutakoa baino zertxobait laburragoa izan da, baina ez da ahaztu behar Covid-19aren pandemiak baldintzatutako urtealdi batean lortu duela, konfinamendu orokor bat eta kirol-jarduera geldiaraztea barne izan dituena. Hala ere, Arantza oso pozik agertu da, denboraldi arraroa izan delako mundu guztiarentzat. Egia esan, oso pozik nago, “azkenean titulu bat delako eta beti ondo dagoelako jasotzea eta etxera eramatea. Pozik bigarrena izateagatik eta gogotsu hurrengo denboraldiari heltzeko”.

Kirolariak txapelketan lortutako emaitza ondorengo hitzekin baloratu zuen, Federazioak Twitterren duen kanalean jasotzen denez.