Jubilatuen tabernan ordutegi aldaketak onartu ditu Ermuko Udalak

Mendiola SCP enpresak, jubilatuen tabernaren esleipendunak, Ermuko Udalari eskatu dio jendeari arreta emateko ordutegiak aldatzeko. Helburua da Eusko Jaurlaritzak ezarritako osasun-alerta egoeraren azken deklarazioak ezarritako mugen ondoriozko behar berrietara egokitzea.

Herritarren mugikortasuna eta ostalaritzako ordutegiak murriztearekin batera, Ermuko Jubilatuen Etxea ixtea erabaki du Zuzendaritza Batzordeak. Horren guztiaren ondorioz, ondoan duen tabernak erabiltzaile gutxiago ditu azken egunotan, eta jende gutxi sartzen da instalazioetara ohiko ordutegi-tarte zabaletan.

Zerbitzuaren ordutegi berriak, beraz, honako hauek izango dira:

• Astelehenetik ostiralera: 11:00etatik 13:00etara eta 16:00etatik 21:00etara
• Larunbat, igande eta jaiegunetan: 11:00etatik 21:00etara