Jesus Cimarro IMm Sarien VI. edizioko hautagaia, aldaketaren bultzatzaile izateagatik

Aldaketa Kudeatzeko Institutuak (iMm delakoak) azken astearte honetan jakitera eman du, 2020. urteko Aldaketaren Kudeaketarako espainian VI. iMm sarietarako hautagai diren pertsona eta erakundeen zerrenda, eta horien artean dago Jesus Cimarro (Ermua, 1965) ekoizle eta antzerki-enpresaria, Arte Eszenikoen Akademiako egungo presidentea, Mérida Jaialdiko zuzendaria eta Pentacion Espectaculos enpresaren bazkide sortzaileetako bat.

IMm sariak 2015ean sortu ziren, Espainiako erakundeetan aldaketa sustatzen duten enpresa eta pertsonei pertsonen kudeaketan jardunbide onenak nabarmentzeko helburuarekin. Aldaketa Kudeatzeko Institutua merkatuaren beharretik sortu zen, aldaketa- eta eraldaketa-uneetan, aldaketaren kudeatzaileak profesional gisa hartzeko.

Sari horiek nabarmentzen eta adibidetzat jartzen dituzte "aldaketa sakonei aurre egiten dieten eta pertsonengan, entzutean, konpromisoan, lidergoan eta abarretan oinarritutako ereduetatik arintasunean, erantzukizunean, berrikuntzan, malgutasunean, potentzialitateen optimizazioan eta proiektuen bidezko prestazioan oinarritzen diren formuletarantz eboluzionatzen duten erakunde onenak, eguneroko funtzio egonkorretatik haratago", Amanda Palazón Institutuaren CEOk 2019ko edizioan adierazi zuenez.